Operation Sindoor: భారత సైన్యం ‘ఆపరేషన్ సింధూర్’ కింద పాకిస్తాన్, పాకిస్తాన్ ఆక్రమిత జమ్మూ కాశ్మీర్ (PoJK)లోని 9 ఉగ్రవాద స్థావరాలను ధ్వంసం చేసింది. 26 మంది అమాయకులు ప్రాణాలు కోల్పోయిన క్రూరమైన పహల్గామ్ ఉగ్రవాద దాడి తర్వాత ఈ చర్య తీసుకున్నారు. ఈ దాడి 2025 ఏప్రిల్ 22న జరిగింది. భారత సైన్యం, వైమానిక దళం,నావికాదళం కలిసి ఈ ఆపరేషన్‌ను నిర్వహించాయి. ఆపరేషన్ సిందూర్‌లో ఉపయోగించిన ఆయుధ సాంకేతికత లాయిటరింగ్ మునిషన్. దాని గురించి పూర్తి వివరాలు తెలుసుకుందాం.
‘లోయిటరింగ్ మునిషన్స్’ టెక్నాలజీ అంటే ఏమిటి..?
లాయిటరింగ్ మునిషన్ అనేది డ్రోన్ లాగా కనిపించే, క్షిపణి లాగా పనిచేసే ఒక ప్రత్యేక ఆయుధం. దీనిని సాధారణంగా ‘కామికేజ్ డ్రోన్’ అని కూడా పిలుస్తారు. ఈ డ్రోన్ గాలిలో ఒక చోట ఎగురుతూ పరిసరాలను పర్యవేక్షిస్తుంది. శత్రువు లక్ష్యాన్ని గుర్తించిన వెంటనే, అది వేగంగా దానిపై పడి పేలిపోతుంది. దీనిలో సరైన లక్ష్యాన్ని గుర్తించడంలో సహాయపడే కెమెరాలు, సెన్సార్లు ఉంటాయి. సైనికులు దానిని రిమోట్‌తో కంట్రోల్ చేయచ్చు లేదా అది స్వయంగా పనిచేయగలదు. దీని ప్రయోజనం ఏమిటంటే సైనికులు శత్రు భూభాగానికి వెళ్లవలసిన అవసరం లేదు, దీని ద్వారా నష్టం కూడా తగ్గుతుంది.
లోయిటరింగ్ మునిషన్స్ టెక్నాలజీ ప్రయోజనాలు
- ఖచ్చితమైన లక్ష్యంతో దాడి చేస్తుంది.
- ప్రజలకు లేదా భవనాలకు హాని కలిగించదు.
- కదులుతున్న వాహనాలను లేదా దాగి ఉన్న శత్రువులను కూడా లక్ష్యంగా చేసుకోవచ్చు.
- సైనికుల ప్రాణాలకు ప్రమాదం కలగకుండా శత్రువును అంతం చేస్తుంది.
ఆపరేషన్ సిందూర్
- పాకిస్తాన్, పోజెకెలో ఉన్న 9 ఉగ్రవాద స్థావరాలపై దాడి జరిగింది.
- లక్ష్యాలలో జైష్-ఎ-మొహమ్మద్ (జెఎమ్,లష్కర్-ఎ-తోయిబా (ఎల్‌ఇటి) వంటి సంస్థల అగ్ర నాయకులు ఉన్నారు.
- అన్ని దాడులు భారత సరిహద్దుల నుండే జరిగాయి.
- నిఘా సంస్థలు ఖచ్చితమైన స్థాన సమాచారాన్ని అందించడం వలన దాడులు అత్యంత విజయవంతం అయ్యాయి.
- ఈ ఆపరేషన్‌లో పాకిస్తాన్ ఆర్మీ స్థావరాన్ని లక్ష్యంగా చేసుకోలేదు, ఇది భారతదేశం లక్ష్యం ఉగ్రవాదులను నిర్మూలించడం మాత్రమే అని, యుద్ధం చేయడం కాదని స్పష్టం చేస్తుంది.
